Til minne om ...

Bjørgulv Straume er død.

​

Vi har mista ein mann som har vore særs viktig for

munnharpa og munnharpetradisjonane. Med

kassettutgjevinga «Luftslaget» sette han ein ny

standard for munnharpespelet. Det rytmiske og

energiske spelet tiltalte den unge generasjon.

Svært mange har oppdaga munnharpa gjennom

denne utgjevinga. 

Bjørgulv var ein omgjengeleg person som såg folk,

og som ein kunne prate med om allslags tema.

I kortform kan vi nemne at han betydde svært mykje

for gjenopplivinga av tradisjonane, både gjennom sitt eige virke som kvedar, munnharpespelar og -smed. I tillegg til god kjennskap til tradisjonane skapa han og eigne munnharpekomposisjonar, og innspelingane hans inspirerte to generasjonar munnharpespelarar. Han var også open for andre tradisjonar, som han viser i «Fra Senegal til Setesdal» i møte med afrikanske tradisjonar og i «Hrynhent» i møte mellom kunstmusikken og folkemusikken. Munnharpeforumet har bruka ei grøde av Bjørgulv sine harper opp gjennom åra på munnharpekurs – dei har vore ein fin introduksjon til melodispelet på munnharpa.

Bjørgulv Straume vart æresmedlem i Norsk Munnharpeforum i 2008. Vi seier takk for stor innsats og mange gode minne. 

 

Kvil i fred.

 

Norsk Munnharpeforum